【Viu】衛蘭一連三場嘅紅館演唱會噚晚(10號)終於開鑼，相隔4年再踏紅館開騷，一班歌迷等到頸都長埋，終於有得入場撐偶像啦！而為咗演唱會，Janice都落力Kepp fit，喺台上佢都大騷美腿，展示修身成果，當晚都不時有Fans大嗌「你好靚啊」，而為Janice頭場打頭陣做嘉賓嘅就係鄭中基(Ronald)啦，佢哋合唱嘅《心亂如麻》，令全場拍爛手掌啊！Janice面對住Ronald，顯得有啲怕羞，不停話好緊張，仲表示想同對方合作好耐添！當Janice提到以前聽過Ronald唱自己首《十個他不如你一個》嗰陣，Ronald就自爆其實當時想邀請Janice一齊合唱，不過又唔夠膽開口問，咪自己唱囉，認真搞笑！
