【Viu】獨立音樂人Tyson Yoshi早排推出新歌《i don't smoke & i don't drink》，為自己嘅Bad Boy樣平反之餘，亦論盡以貌取人嘅無知。Tyson暢談細個時受盡誤會，連阿妹都堅持同佢反方向走，相當爆趣！佢仲專登喺MV第一幕加咗Auto-tune warning，呼籲對Auto-tune「敏感」嘅人士行開。
向來敢言嘅Tyson又寸爆一啲大公司嘅買View文化影衰香港，令香港樂壇變得排外，好難可以衝出國際咁話，語重心長㗎！仲記得那些年各大公司買獎買到爛，搞到頒獎禮冇晒認受性，唔知大家又點睇最近嘅買View文化呢？
