【Viu】喺過去一年，ONE PROMISE飽受內外夾擊，除咗疫情影響整個娛樂行業，隊友Anton亦因為患上手指骨枯症，冇辦法再打鼓，之後仲同天衡一齊確診新冠肺炎，音樂工作一度停滯，令樂隊經歷咗一段黑暗低潮！好彩大家最後都順利康復，而且Anton亦喺樂隊中搵到屬於自己嘅新崗位，就係Rapper喇！雖然OP明知班壹步兵，都好擔心Anton嘅身體驚佢會離隊，但係佢哋呢班大細路，又點會咁輕易將好消息話俾大家知，所以文廸戲子上身，夾埋其他親自策劃咗一場整蠱大計，整喊班壹步兵，真係好衰啊！其實OP成軍呢廿年嚟，走過唔少高高低低，Sora都曾經心灰意冷，講咗不下20次想退團，不過都係口硬心軟，邊捨得離開班兄弟啊！
