【Viu】疫情期間相信唔少人都會噴酒精消毒，噚晚集《今日疫情》，有位做家電維修嘅劉師傅上嚟分享，話佢試過上門服務，點知客人問都冇問就兜頭噴到佢成面酒精，193對於呢啲咁唔尊重人嘅行為好不恥，佢話如果自己員工遇上呢種情況，會叫佢哋好似韋史密夫打基斯洛克咁，一巴將佢打出餐廳。之後193亦分享cafe嘅裝修進度,話依家仲爭啲檯檯櫈櫈，佢仲搞笑咁話cafe環境唔應該太舒服，等客人可以食完即走。另外肥仔喺拍攝《反起跑線聯盟》嗰陣，瞓覺嘅相俾人po咗上網，肥仔叫大家唔好垂涎佢嘅美色，之後佢示範拉筋助眠，仲露出白滑嘅美腿，認真搞笑！
