【Viu】為慶祝「電影中心三十開幕」，電影《第四幕》、《善男信女》今晚舉行首映，兩部電影嘅演員現身介紹！《第四幕》監製爾冬陞率Stephen馮德倫、Angela袁澧林登場，劇透Stephen喺戲中周旋喺三位女神Angela、胡杏兒、周秀娜之間，即被爾冬陞笑話呢方面經驗豐富，SLDPK！然後又繼續「突破盲腸」話Stephen唔係Angela杯茶，到底真相係點？咁就交畀Angela講啦！
《第四幕》喺第63屆金馬獎獲兩項提名，Angela、王德健分別入圍「最佳女主角」同「最佳原著劇本」！Angela興奮話係威威㗎，感激導演畀咗呢個角色佢，令佢有演出機會，由一隻小白兔變成大灰狼！對被金馬執委會執行長聞天祥讚角色有爆發力，Angela聽到又有咩感受？
呢次Stephen同最佳男主角擦身而過，直率表示唔止少少覺得可惜咁簡單，坦言參演得爾冬陞嘅作品，入圍係基本，之後又還原返當日睇公布入圍嘅過程，一見到楊偉倫入圍直頭喊咗出嚟？對被聞天祥形容為「入圍遺珠」，有安慰到Stephen，將伸出騎樓嗰半隻腳放返入屋？佢又指爾冬陞都有專登send message畀佢安慰，被改名做「遺珠」，反而老婆舒淇冇安慰？有信心老婆憑《女孩》攞新導演獎？
問到爾冬陞對多部香港電影入圍今屆金馬，係咪覺得好鼓勵？爾冬陞表示對香港嘅導演、演員都非常有信心！另外，Stephen最近同姜濤合體拍片，佢笑話條橋係廣告商諗嘅，仲爆姜濤事後有撩佢拍《老馮日記》添！依家先去片睇足本訪問！
