【Viu】Sica何洛瑤將於8月喺黃埔TIDES舉行第二次個人演唱會《sica “The Eclipse” Live 2026》，今次挑戰全企位嚟個自肥，Sica呼籲各位觀眾做定Leg Day、練好腳骨力先嚟睇騷，仲建議大家微醺睇騷夠Chill，但千祈唔好飲到嘔，皆因自己試過睇騷見證有觀眾嘔到一地都係，搞唔掂呀！
Sica笑指處女騷後興奮到斷片，事後反覆睇片睇吓有咩地方要改善，仲預告今次開騷會向難度挑戰，包括「跳火圈級數」嘅高難度歌曲，仲苦練緊一樣比牧童笛更搶Fo嘅樂器添，期待喎！
至於嘉賓方面，Sica就話商討中，笑問夠唔夠膽請偶像林家謙睇騷呢？佢就一秒變「I Max」，仲再三澄清自己係I人，瘋癲只係表面，又以初遇P1X3L嘅事蹟嚟印證自己幾咁怕醜！想知就睇訪問啦！
