【Viu】Sica今日著短裙仔為戶外音樂會表演，原定同老友Win Win拍住上，可惜對方因發燒同腸胃炎缺席，牙席承諾會好好照顧嘔吐不止嘅Win Win呀！Sica透露除夕會同一班老友去露營倒數兼睇日出，但為咗喺《叱咤》扮演一個「花瓶」，自己會「割禾青」早啲落山。
Sica又預告新一年會同神秘嘉賓合作，咦？莫非對象係「頭號男神」林家謙？Sica就坦言向家謙邀咗一首歌《我們只有一往直前》已經心滿意足，唔敢再進一步，但就自爆喺唱片舖開門前就去排隊買男神新碟，首首歌都loop咗過百次喇！
正所謂「追星能醫百病」，Sica就開心Share點樣靠YOASOBI同NewJeans解開處女個唱被批評嘅心結，仲爆埋今晚嗰集《P1X3L 5G上位計劃》有巨大驚喜，想知就睇足本訪問啦！
