【Viu】馬年首部賀歲片《金多寶》公布演員陣容，由翁子光執導，Edan@MIRROR、鍾雪瑩、金燕玲、李尚正、「蝦頭」楊詩敏、金毛尋回犬Caski主演！Edan笑言戲中同雪雪係曖昧關係、行純愛路線，親熱戲一律欠奉，大叫可惜呀！
Edan大爆fitting完第二日就開工拍攝，今次亦係第三次同翁導合作，沾沾稱翁導愛佢太深，呢一層就真係要問問翁導啦！拍得賀歲片，會唔會有兒登嘅強項打麻雀戲份先？佢同雪雪異口同聲話冇賀歲檔票房壓力，有信心可以令香港人開心、放鬆！
韓劇《模範的士3》即將播出，近日釋出BTS兼新trailer，Edan笑話睇返先知自己咁緊張，仲記唔記得「多多指教」嘅韓文點講？提到有網民指佢同男主角李帝勳喺天台嗰場戲有《無間道》嘅「影子」，Edan又覺得似唔似？
而月尾就係MAMA頒獎禮，Edan透露正排練中，已開始感到壓力！兒登更爆埋閃避球fans meeting會首唱MIRROR團歌添，唔知係一首定唱晒兩首呢？
雪雪透露同張家輝套「帝后結盟」新戲已經拍完啦，佩服家輝哥拍揸車戲行雲流水！JACE噚日宣布開紅館騷，唔知身為老Best嘅雪雪、合作過嘅Edan會唔會做嘉賓？齊齊喺農曆新年踩場宣傳賀歲片？另外，翁導除咗回應係咪愛兒登之外，又大讚兒登有童真兼真誠，唔知會唔會加親熱戲畀Edan同雪雪？想知就睇足本訪問！
