【Now.com】陪伴港人5年的YouTube頻道「試當真」昨晚（26日）正式劃下句點，一眾幕前幕後在最後一場直播盡訴心中情，成功吸引近6萬人同時在線收看，卻在尾聲意外爆出內部風波！直播尾聲時，游學修與身為編劇及導演的盧嘉誼（Ellen）突然就公司內部溝通問題公開對質，場面一度尷尬，最終直播在阿慈（倪安慈）帶領全員互相擁抱下落幕。
「試當真」的告別直播長達3小時，由蘇致豪及游學修輪流主持，訪問幕前幕後的感受。至最後由開台8位原祖幕前輪流發言途中，編劇Ellen突然搶咪，質問游學修為何剛才訪問她的時候只重提三年前Ellen的「上樑不正下樑乖」言論：「我啱啱一直都谷住谷住，我做咗5年，你要問我嘅嘢就淨係得民主牆句嘢？」其後轉身離去，原祖8人繼續發言。
至直播尾聲，游學修為因直播趕進度向Ellen開玩笑一事道歉，坦承自己的出發點是好的，但承認公司常發生因溝通誤解而產生的問題。他表示：「我真係冇心嘅」，再問及Ellen看法。Ellen隨後直指游學修經常在「公海」（公開場合）批評同事，卻從未事先溝通：「如果你認為同事做得唔好，希望你同公眾講之前，先同當事人講咗先，呢個係相識一場嘅基本尊重。」她特別提及游學修在「白金像獎」台上表達對同事的不滿：「點解你要喺個台上面講多次，覺得係同事搞到你唔開心？我嗰刻都覺得難受。」她哽咽表示曾多次私下游學修溝通，甚至發過千字文詳訴心聲，但問題始終未獲正視。
面對指控，游學修隨即再向所有同事道歉：「對唔住，可能呢幾年嚟我作為老細有啲嘢處理得唔夠好。希望日後嘅時間可以盡量同大家解開你哋嘅唔開心、唔滿意嘅地方。」就在氣氛凝重之際，阿慈及時提出「擁抱儀式」救場，感性表示：「我覺得擁抱嘅力量係大過說話文字所有嘢。」最終全員在淚水中擁抱合照，正式向觀眾告別。
游學修事後在社交平台貼出與Ellen的合照，釋除網民疑慮 。另一成員Locker（林家熙）則發文呼籲網民停止批評：「如果愛試當真嘅，希望你哋唔好再講Ellen點阿修點，不如試吓放低一時嘅情緒或者批判，俾大家休息吓。」阿慈則貼出大合照，配文：「既然情況複雜，倒不如好好擁抱，來化解各種恩怨情仇吧。大家都會懂的。」
PHOTO／YouTube@試當真Trial & Error、THREADS@locker_94、THREADS@ngaionchi_kathy、THREADS@neoyau19、Instagram@gowyi
