【Viu】Jer@MIRROR即將迎嚟第二個個人演唱會《Jer Lau "The Shape of Breathing" Live 2025》，佢透露今次呢個騷係由上次開完會展騷就開始構思，單係計誠意都100分啦！Jer每推一個作品，背後埋藏嘅message通常都同自身經歷有關，唔知今次「breathing」又係咩意思？
自從踏入3字頭後，Jer自爆多咗一份恐懼，發現好怕失去，回望過去嘅傷痛，令佢最深刻係咩事？Jer又講到以前嘅佢係唔敢公開分享傷痛經歷，跟住自tag舉例依家唔介紹分享初戀回憶，嚟到呢個moment，咁就梗係打蛇隨棍上，叫Jer大談初戀經歷啦！
言歸正傳，Jer喺下半part繼續劇透今次演唱會嘅rundown、舞台設計、班底，自稱係MIRROR「舞王」嘅Jer，會唔會喺跳舞方面畀到柳炒一個超大surprise先？呢次又會唔會練新樂器？雖然騷就仲未開，但Jer已經諗定走tour呢個planning，揚言會積極向公司爭取！順便再公開爭取同一眾大星crossover，想知Jer個list有咩國際巨星，就要睇片啦！
