【Viu】Ian@MIRROR趁嚟緊星期五澳門站巡唱前出商場活動同Hellosss見面！今日佢仲變身做「畫家賢」，孖日本藝術家上野陽介一齊創作，即席揮毫咗一個超抽象嘅人物，就等畫家賢親自解說！
講到日前同愛犬雞髀影雜誌相，Ian笑言好少影「父子相」，大讚雞髀乖過平時好多、又超合作，未知雞髀係咪會原地出道？雞髀拍攝嘅酬勞有幾多？然後陳仔搞笑話去澳門開騷嗰陣又要cut雞髀Wi-Fi啦，定雞髀自己搵真銀買Wi-Fi？
陳仔透露澳門站會盡量還原香港站嘅setting，佢亦表示話咁快就唱咗一年，嚟到最後一站都依依不捨，唔知到時陳仔會唔會忍唔住留Tears喺舞台？雖然Tears巡唱快要告一段落，但陳仔靜雞雞講話已經構思緊下一個solo con嘅主題，omg，係咪真㗎？
MIRROR喺月頭合體現身音樂會，AK早前爆12子輪米式同Eason合照，瞬間變成「Eason見面祭」，依家唯獨陳仔、Anson Lo未有post相，陳仔會唔會post返？見到Eason心情如何？係咪好滾動？咁至於MIRO見面祭，陳仔會同邊位兄弟一齊開？場地會喺邊？
談及Ian榮登IG品牌內容廣告銷售額最高十大KOL之一、排行第7，係Joey、劉嘉玲、佘詩曼之上，嚟緊佢想接邊類型廣告？encore再接拍內衣褲？另外，「鷹小組」團綜幾時拍？係咪可以參觀Ian嘅寓所？而對花姐「我最喜愛」言論，陳仔又有咩睇法？即刻睇足本訪問啦！
