【Viu】Ian@MIRROR今日以一身粉紅look出席活動超fresh！臨活動完結前，大會送上雪糕為下個月（9日）生日嘅陳仔慶祝，陳仔食咗兩啖，事後笑話破晒戒！而今日到場嘅半百Hellosss更有唱埋生日歌添，唔知陳仔滿唔滿意呢份驚喜禮物呢？
講到「妹豬組」嘅團綜播完後緊接播《呂濤米Lo 花Son Show》，由花姐做主持，同4位仔仔逐個deep talk，「鷹小組」遲吓都會有同一環節？點知陳仔一秒拒絕，自認為人內斂唔擅長deep talk，僅限於閒話家常，唔知對陳仔嚟講「淺層交流」係屬於咩話題？
之但係當提起「三年之約」謎團嗰陣，陳仔突然開deep talk mode，仲食咗誠實豆沙包自爆：「我其實唔止3年（約）！」真係超坦白呀！佢更詳談當年買斷自己份約嘅時期，搞笑話今次答咗之後，喺嚟緊幾年都唔使再追問佢住啦！
另外，陳仔快將起程飛澳洲唱巡迴，執好行李未？準備cut愛犬「雞髀」wifi？首次喺外地工作中度過生日嘅陳仔，會點慶祝？會唔會去生日展覽打卡？會去撐「頭號Hellosss」AK嘅舞台劇？想知就睇足本訪問啦！
