【Viu】Ian陳卓賢同Marf邱彥筒今日出席活動，吸引大批Fans捧場，Hellosss仲趁大合照期間公開爭取Ian嘅澳門騷再加場，果然飯隨偶像呀吓！而Ian亦不負「公開爭取擔當」嘅美譽，即席教Marf向Juno自薦拍電影，醒目女即刻話要拍Juno執導嘅恐怖片，有Taste呀！
當Ian聽到Marf稱男友Locker做「助手」時，隨即被點中笑穴，天真笑容完全唔似「30+2」，反而似「陳三歲」喎！Ian仲分享同呢個商場嘅淵源，同埋送咗咩「生仔禮物」畀媽咪添，認真孝順！
雖然Ian同Marf首度合作，但其實兩位都係「6月壽星」，Marf笑言當雙子座遇上雙子座就變得「好跳」，仲自爆拍跳舞鏡頭時有喺攝影機附近提水，可惜Ian睇自己唔到，認真搞笑！想知道Ian喺澳洲過生日有咩感想？Marf同AK合作做Juno嘉賓又有幾緊張？睇足本訪問就知啦！
