【Viu】陳慧琳一共10場《陳慧琳SEASON 2萬人結界演唱會》今晚喺紅館開鑼！甫開騷先播放一段短片，片中嘅Kelly超仙，隨後中間大螢幕一分為二，騎住黑馬嘅Kelly霸氣登場，散發天后氣勢！Kelly一嚟就唱《一念天堂 二人結界》，唱到中段佢落返嚟同dancers熱舞，第一首歌就撻着個跳舞制啦，直落跳唱埋《談情的價值》！
Kelly連跳唱兩首歌後同fans打招呼，零喘氣超勁！佢開心話事隔10年終於再喺紅館見大家，又笑言同fans「約法三章」，希望fans今晚睇得開心！
捧騷嘉賓有久未露面嘅「紅姑」鍾楚紅，皮膚靚到發光！仲有「蔡辛強」張家輝、專程飛返港嘅鍾嘉欣、汪明荃、林家謙、汪明荃、余香凝、廖子妤、Cheronna、徐頴堃等！另外，花籃就有「四大天王」張學友、劉德華、黎明、郭富城、仲有紅姑、張敬軒、容祖兒、陳慧嫻、王菀之、謝霆鋒、草蜢、鄭伊健、陳曉東、盧冠廷夫婦、方力申、張智霖夫婦等，無論台上、台下都星光熠熠，即刻睇現場實況！
