【Viu】Elanne江若琳事隔8年宣布開騷！今日開記招公布個唱日子為8月尾、麥花臣，同時Elanne再有多個好消息，就係可以喺騷前攞得返過往作品嘅音樂母帶兼MV！Elanne形容開箱嗰刻嘅心情係同生Owen一樣咁震撼，20幾年嘅心血、努力一次過返晒嚟！問到點解唔仿效G.E.M.咁重新錄過啲歌？Elanne大笑答：「我冇咁多錢！」一句K.O，SLDPK！
Elanne話rundown大致排好，唔知有冇機會聽到佢以少女心唱《傻豬》、《Show You》等經典金曲？老公Oscar蕭唯展、囝囝Owen會唔會上台做嘉賓？而Oscar日前po咗張一家三口嘅相，用咗個心心emoji遮住咗Elanne個肚，莫非三喜臨門？另外，好友Sherman鍾舒漫內地開騷失準，Elanne話一直知道Sherman情況，但作為朋友就唔會畀咁多意見，只畀愛、擁抱對方！
