【Viu】經歷同前公司嘅10年合約官司， Elanne江若琳終於重獲自由，加盟新公司同何雁詩做師姐妹，早排仲推出新歌《一直留在心底的事》，歌者自道，聽到小編都眼濕濕呀！Elanne坦言歌詞講中晒自己嘅心聲，雖然喺追夢嘅過程中遇到好多挫折同誤解，但毋忘喜歡唱歌嘅初心，亦希望藉此身教阿仔將來都要努力追夢。曾因負面新聞而陷入情緒迷宮嘅Elanne，冧讚老公Oscar係自己嘅「救命草」，亦係醫好心病嘅解藥，仲分享老公嘅浪漫事跡，woo，大家記得戴追副超先睇訪問呀！
由少女時代進入娛樂圈，扭曲個性去迎合舊公司同觀眾，Elanne除咗分享少不更事嘅遺憾外，仲認為依家做藝人比較幸福，事關可以透過社交平台去分享睇法，同埋幫自己發聲，大大方方咁做自己。呢位True爆人母，又分享睇ERROR節目當胎教嘅趣事，咦？真係估你唔到喎！雖然大家同小編一樣都係細細個聽江若琳啲歌，但不妨睇吓呢個專訪，重新認識呢位傻更更嘅潮媽啦！
