【Viu】MIRROR「忙內」Tiger即將迎嚟26歲生日！FC一如往年為Tiger準備連串慶祝活動，當中就梗係包括生日展啦，今年主題係《Chapter 26: Still Becoming》，同各位「小虎隊」嚟一場沉浸式體驗，超有心思der！
今年生日展嘅規模係歷年來最大，total兩層、分咗8個zone，小虎隊s就可以喪打卡啦！包括有Little Tiger打卡區，可以同小小虎一齊重溫演出片段，其中一個小小虎係首曝光㗎，你哋又搵唔搵到？2歲小小虎隊攸攸同媽咪完美示範吸印仔，每日都有一款新印，想吸到一幅靚畫面就要嚟足咁多日啦！行上少少就係浸沉式體驗區，視、聽、嗅三方都可以享受到，好彩嘅話仲可以撞見2米高嘅「虎標」添！
去到2樓嘅新部份，一嚟就有「時光隧道」，見證虎仔喺呢7年嚟嘅蛻變，喺度有個小劇透，入面有張係虎仔赤裸上身嘅爆肌相，勁hot！行過隔離就係扭蛋區、會場限定紀念品、曲奇義賣，行到最入仲有虎仔嘅自家品牌pop up store，可以get虎仔同款私服，做「情侶裝」都冇問題呀！
最後，「小虎隊」Doris、比比、Kathy仲話要重點推介3個靚位畀大家，佢哋仲爆埋Tiger影「個性學長」嗰輯新相背後嘅一個小故事！想知就要去片啦！
