【Viu】影后劉嘉玲、舒淇、張栢芝、陳慧琳、何超儀同胡杏兒等今日去澳門出席活動，久未露面嘅栢芝亦激罕現身，但未有接受訪問！嘉玲姐笑談喺金像獎頒發影帝嘅Speech係講稿之餘，亦有即興開玩笑，仲話如果得罪咗各位老友就要講聲唔好意思。對於網友激讚係全晚高潮，嘉玲姐講笑話：「因為我資格夠老呀嘛！」
至於胡杏兒就首度回應老公喺夜場攬女一事，杏兒就話嗰日自己都在場，全場都係相熟朋友，甚至親戚，而兩位被攬女士嘅老公亦在場，亦已經搵到偷拍者，力撐老公只係正常社交，冇影響夫妻感情！
而何超儀就話準備開戲，想搵張栢芝出山，仲大讚栢芝好戲。上月生日嘅舒淇直言最緊要工作忙碌，未有時間外出慶祝，又話唔使老公馮德倫特登幫自己補祝，仲放閃話：「日日都係情人節！」想Update女神近況就睇足本訪問啦！
