【Viu】Tyson Yoshi最近忙做「空中飛人」跑tour，今日晒橙啡新髮色出席商場聖誕活動，點知佢話聽日（22日）又要飛去澳洲參加朋友婚禮，可以完成睇袋鼠心願同時順便取經？Tyson抵死笑話可以參考吓點樣避免鬧交，但當篤爆佢曾自爆已經鬧咗交嗰陣，佢笑住還原「開波」來龍去脈，究竟因咩事？
婚禮鐵定7月喺歐洲舉行，咁啱Tyson、Christy嘅生日、所有紀念日都係喺7月，莫非係有預謀，到時可以一炮過慶祝晒所有紀念日？Tyson true爆笑話：「捱過7月就好！」唔止呀！仲有句再true啲，話說Tyson講到想搞小型婚禮，人數愈少愈好，當問佢理想人數係幾多？Tyson超夠薑笑話：「可以唔搞就唔搞！」真心希望Tyson今晚唔使跪玻璃啦！
下個月就係聖誕節，Tyson又會唔會同Christy交換禮物？佢最想收到咩聖誕禮物？又係咪佢架dream car？幾時考到棍波牌？明年嘅香港演唱會又會唔會加「插水」環節？即睇足本訪問啦！
