【Viu】Anson Lo今年29歲生日最後一項應援活動，亦係神徒最期待，就係全港首位藝人無人機匯演。Anson Lo同教父教母及教姐一齊出海欣賞，並喺IG分享呢個Happy Moment，當然唔少得派心心，神徒收到晒未？
天公造美，晚上8時半準時匯演，歷時長達12分鐘。警方指最佳觀賞區域約有2千5百人次，當匯演開始時神徒非常興奮，不時「嘩嘩聲」、及唱生日歌助慶。無人機匯演砌出Anson Lo剪映、盧瀚霆字樣、蛋糕及Anson Lo寫嘅神徒公仔等等。
神徒接受訪問時表示由傍晚5點幾就開始霸位，整個西九海旁變成粉紅海好壯觀。鄧先生帶埋兩個囡囡一齊嚟睇無人機匯演，原來全家都係神徒，爸爸覺得今次係好偉大嘅事，榮幸有份見證，而兩位小妹妹仲即慶唱《深閨》，超好聽呀！Tracy透露同兩位姑媽一齊嚟，笑言會盡快拉埋未入坑嘅姑媽入坑，笑cry呀！仲有多位神徒一齊祝願撈撈要保重身體，承諾永遠喺身邊支持，真係sweet到爆，想睇更多即睇片。
