【Viu】《Hi MIRO!見面祭》到底有幾抵睇？教主Anson Lo噚晚就做咗完美示範喇！話說7點半舉行嘅見面祭，玩到差不多凌晨兩點先收隊，教主同神徒嘅愛真係「持久力」驚人呀！教主以《Mr.Stranger 》揭開序幕，又冧豬豬話最想同神徒一齊「浸浴」，吓？咁巨大嘅福利點招架得住呀？見台下群情洶湧，「醒目撈」即刻話：「分房嘅！」喂呀！咁搞笑得唔得㗎？
見面祭笑中帶淚是常識吧！教主當然都有同神徒盡訴心中情，感謝大家不離不棄，亦明白追星係要花好多心力、時間同金錢活動， 雖然自己冇辦法好似初出道時咁記得晒大家嘅名，但每次見到神徒真摯嘅笑容都無比感動。教主又話知道Fans近日好擔心自己嘅健康，所以承諾大家會飲多啲水、少飲齋啡，一定會好好照顧自己，仲Sweet爆咁話：「因為你哋開心，我先會開心！」完場時，神徒大合唱《不可愛教主》送畀偶像，「感性撈」即刻拎電話出嚟自拍，仲同大家唱多次《不可愛教主》，呢場見面祭真係勁浪漫超溫馨呀！
