【viu】日本女子舞蹈團Avantgardey嘅其中6位成員Seira、Nona、Sono、Pani、Nagano、Kohana快閃香港，今日去到商場同fans見面兼舉辦簽名會，更即場跳《今期流行》、《打雀英雄傳》炒熱現場氣氛！
Avantgardey表示好開心見到咁多fans嚟現場，比起平時17個齊人出騷，得番6位成員演出係緊張啲！講到佢哋揀《今期流行》、《打雀英雄傳》表演，Avantgardey指知道呢兩首歌好受香港人歡迎，又笑話《今期流行》入面個拜神pose好funny！希望7月嘅亞博騷可以邀請到主唱古天樂嚟睇騷，甚至想請佢上台戴冬菇頭假髮一齊跳添！唔知古生又應唔應承呢？
6位成員仲話想會一會「星爺」周星馳，自爆其實佢哋跳舞嗰陣表情多多係受星爺影響，嚟緊有意cover星爺電影入面嗰啲經典場口、主題曲！提起Sica曾cosplay佢哋跳《打雀英雄傳》，成員Seira話睇到好開心呀！
