【Viu】Gigi黎姿（現名馬黎珈而）好耐冇出席公開場合，今日現身金鐘一個活動，依然明艷照人。
Gigi首次創作AI畫分享人生體驗，透露三個囡囡都好喜歡畫畫。唔經唔覺，一對Twins已經13歲，孻女亦已經11歲，全部踏入少女青春期，Gigi爆佢哋都好貪靚，會同媽咪一齊敷mask護膚。四母女雖然有好多共同話題，但一講到囡囡戀事，Gigi 就話有啲擔心，唔想佢哋太早熟。問到三個囡囡係咪同媽咪一樣咁靚女？Gigi笑話喺媽咪心目中自己個女永遠係最靚，至於將來邊個繼承佢嘅美容王國、邊個想入娛樂圈，全部都讓小朋友自由發展，真係一個好開通嘅媽咪。
嚟緊父親節，Gigi已準備同爸爸及老公一齊慶祝，談到因交通意外致半身癱瘓嘅弟弟黎嬰，佢已可以喺有人攙扶下企起身，Gigi 透露細佬講說話仍有困難，但情況持續進步，充滿正能量。
