【viu】林峯呢期憑電影《九龍城寨之圍城》嘅「陳洛軍」一角，人氣再度急升！今日佢出席汽車品牌活動吸引大批fans嚟撐場，個個都爭住想同阿峯selfie呀！
估唔到阿峯都係愛車之人，但講到「老婆」嘅數量，佢抵死笑話喺朋友堆中佢都只係冰山一角，特別點名老友吳卓羲有8架車，講講吓興起仲話坐老友架車會好頭暈，係咪有料爆？而阿峯就話計埋內地，名下有4架車，係咪全部都係名車？又有冇收收埋埋唔畀「正印」老婆張馨月知先？阿峯又自認係絕對安全嘅車手兼冇路怒症，成日被兄弟嫌揸得慢咁話！
《城寨》票房節節上升，已破8000萬，阿峯感謝影迷大力支持，期望之後可以登總華語票房No.1！嚟緊佢會繼續密密謝票，以回饋影迷！若然成績登頂，城寨四少會派啲咩福利？阿峯係咪真係好似之前講話咀古天樂？仲有冇絕密片曝光？阿峯喺訪問片解答大家！
