【Now新聞台】截至早上11點，1小時內彭博用戶關注度上升最多的港股依次為康希諾生物、金沙中國、銀河娛樂、萬科企業、遠洋集團。
口服藥研發及通關概念消息一出，本港新冠病毒主題概念股跌到流血，今早跌幅最多就係康希諾，係咪因為康希諾接近100%收入都係來自往海外銷售嘅新冠疫苗，所以受到衝擊最大？
圓通環球金融行政總裁曾永堅指，康希諾對比其他本港上市疫苗股跌得更痛，因為康希諾本身在B股中算係有質素嘅股，及一直受惠疫苗主題，但就成為雙刃劍，觸發再一次調整。佢又認為，康希諾估值已經好難重回投資者認可支撐水平，可能低處未算低。
