【Now新聞台】截至早上11時止，《彭博》Top Search No.1為中國平安，第2位至第5位為永利澳門、騰訊控股、小米集團、安踏體育。
平保旗下喺美國以ADR形式招股嘅金融壹賬通，喺下調咗建議招股價嘅區間後，以接近新區間嘅上限定價，集資金額比預期嘅2.6億美元略多，有3.12億美元。
騰祺基金管理投資管理董事沈慶洪表示，最近中美貿易傳出返啲好消息，市場氣氛改善咗，有利公司定價高返啲。不過Patrick話，睇返基本因素，公司仍然蝕錢，而且蝕嘅幅度仲要增加咗，所以難要求市場用高價錢買一間未賺錢公司嘅股票。
