【Now新聞台】截至早上11時止，《彭博》Top Search No.1為中國平安，第2位至第5位分別為太古、華潤置地、小米集團、中國海外。
內地11月製造業PMI重返擴張狀態，過去每逢數據向好，A股通常都會有正面反應，但今次A股表現麻麻，似乎市場對前景都未敢樂觀。
如果將財新以及官方公布嘅PMI，同每月新增貸款及社會融資規模對比，可以發現年頭新增貸款及社會融資規模大增，同時PMI都觸底反彈。投資者可以留意下周公布嘅11月信貸數據會唔會喺低位反彈，作為預測PMI有無得繼續升嘅指標。不過PMI其實都只係代表內地中小企嘅情緒，至於可唔可於帶動經濟，就要繼續留意國內生產總值GDP增長可唔可以維持係6%。
