【Now新聞台】【Now財經台】截至早上11時止，《彭博》Top Search No.1為瑞聲科技，第2位至第5位為小米集團、舜宇光學科技、中國平安 、美團點評-W。
瑞聲係升幅最大嘅藍籌股，今日大升逾8%，曾見高位62元，挑戰11個星期最大單日升幅，手機設備同晶片相關概念股都隨之炒上，整個5G板塊會唔會有機會跟著升？
騰祺基金管理投資管理董事沈慶洪話，下年唔同地方陸續會推出5G服務，有機會出現「換機潮」，新款手機嘅原材料、零件都會受惠相關概念股。Patrick又話，今年市場預期瑞聲最差嘅時期已經過去，慢慢會進入復甦周期，甚至增長周期。
