【Now新聞台】截至早上11時止，《彭博》Top Search No.1為廣汽集團，第2位至第5位分別為美團點評、融創中國、中國平安、華潤置地。
上星期國家工信部組織討論《新能源汽車產業發展計劃》，而廣汽就推出一款全新電動乘用車。比較11月份內地各主要車廠股價表現，廣汽累升超過6%，遠遠跑贏同業，短期內股價係咪可以繼續造好？
協同博勤金融集團行政總裁曾永堅表示，廣汽推出全新電動乘用車，令到市場對集團有憧憬。佢又話，依家汽車行業嘅銷售情況正改善，而廣汽喺同業中估值比較吸引，加上推出全新電動車吸引到資金追捧，所以相信短期內股價可以跑贏同業。
