【Viu】亞視一姐薛影儀（阿儀）與經理人林寶玉及亞洲電視執行董事陳偉傑現身香港國際機場出發到馬來西亞工作，不過見阿儀似乎未睡醒，好大黑色眼圈。阿儀表示今次到當地進行拍攝工作，但講到是否喜歡當地發展，就十問九唔知，不過都表示會再以泳衣look上陣，不過唔係三點，大家可能要失望喇！雖然亞洲電視數碼媒體被清盤，但阿儀最近轉投由林文龍任副總裁的亞洲心動娛樂（AMM）更獲加人工，阿儀承認覺得自己好彩。至於因騎電單車而惹官非的她，表示自己沒有犯法，亦不擔心。而林寶玉則謂跟足警方程序指引，阿儀出境亦有徵詢過。
另外，對於亞洲電視數碼媒體被清盤，陳偉傑強調被清盤的是亞視其中一間子公司，就算失去對亞視營運沒影響，而投資者也有出糧給被遣散的員工，原本欠兩個月，但經已出一個月糧，稍後會出埋另一個月欠薪。
