【Viu】「亞視一姐」薛影儀因去年九月在居住屋苑範圍無戴口罩，被一名女街坊窮追拍片，阿儀遂向對方起飛腳及出手阻止，事後有人報警。前天（22日）阿儀就普通襲擊罪及違反口罩令在屯門法院提堂，兩項控罪被判即時入獄兩星期及罰款五千元。而亞視已即時為阿儀上訴及保釋外出。
昨午阿儀在經理人林寶玉陪同下，在亞視錄影廠舉行記招公開道歉：「唔好意思，呢件事對大家帶來好多麻煩。」之後被問到可有預料被判入獄？她說：「冇㗎！（有冇後悔？）都有嘅！」林寶玉在旁透露：「我噚日都有入去探佢，見到阿儀真係好驚，好少見到佢不知所措嘅樣。我問佢驚唔驚，佢話驚，好少聽到佢話驚。」再問阿儀是否平日經常唔戴罩而觸怒街坊？阿儀婉轉答：「因為舊年疫情冇咁嚴重。」昨在庭上得知，原來阿儀在2012年已曾因襲擊罪前科，被問到此事，經理人代解圍：「哦！即係…唔講呢啲！」
