季前賽開波 盧卡當錫攞正牌睇WNBA

【Now Sports】NBA季前賽已經開始，各隊進入最後備戰狀態迎接新球季，其中達拉斯獨行俠美國時間周一會對孟菲斯灰熊，隊中主將盧卡當錫因為腳部輕傷，會否上陣成疑，這名斯洛文尼亞國手就趁有空閒時間，日前攞正牌去睇WNBA賽事。

盧卡當錫（Luka Doncic）季前訓練時傷及腳部，雖然不是很嚴重，但為安全起見，球隊讓他休息一星期，再看情況投入練習。正值WNBA進入季後賽，當錫日前就連同隊友拉夫利及教練傑特，現場觀看WNBA季後賽拉斯維加斯王牌對紐約自由人的準決賽G3。

一身輕裝的當錫坐在戴上帽子的教練傑特隔鄰，心情輕鬆，似乎並未擔心季前受傷情況。獨行俠上季打入總決賽，可惜不敵波士頓塞爾特人，未能圓夢，今季加入金州勇士「浪花兄弟」之一的卡里湯臣，連同艾榮，再次衝擊總冠軍。