【Viu】Sammi鄭秀文嘅紅館騷噚晚嚟到第11場,喺嘉賓Dear Jane出場前,Sammi大賣關子:「呢隊嘉賓我一路都好想同佢哋合作,但一路都未有機會,好開心今次邀請佢哋就一口答應,舊年佢哋首歌唱到街知巷聞,我真係好想佢哋Live演唱一次畀大家聽。」Dear Jane隨即升上舞台,走勻四面台合唱Rock版《煞科》,主音Tim仲大晒Rap嘅功力,High爆全場!其後Sammi逐一同各位成員擁抱,仲「出口術」話要私心點唱《到底發生過什麼事》,天后果然識貨!
是夜捧場嘉賓星光熠熠,包括《到》曲嘅MV女主角Stephy鄧麗欣、李嘉欣同老公許晉亨、徐濠縈同囡囡陳康堤、梁漢文同太太Karen、DJ阿正等,相當熱鬧!