【A&M Diary】M佬今日突然同我講，佢好掛住去BBQ燒嘢食呀！不過，嚟到夏天A姐確實，熱！到！不！行！了！但你話如果可以嘆住冷氣，有人燒埋俾你食，咁我又唔驅呀！怕熱但又想食BBQ，其實一啲都唔矛盾。今日M佬就帶我嚟到觀塘嘅歡喜燒，食自動串燒放題，嘆住冷氣享受燒烤嘅味道，好滿足呀！
串燒
選擇勁多，包括美國穀飼牛肋條、美國穀飼牛西冷、厚切牛舌、蜜汁叉燒豬柳、泰式豬頸肉、農場鷄腿肉、原味鷄中翼、麻辣鷄翼、奧爾良辣鷄翼、爽口鷄腎、麻辣鷄腎、海蝦、北海道熟帆立貝、挪威鯖魚、黃金魚片頭、臺灣一口腸、鷄肉腸、迷你豆卜、紅腸、芝士腸、魚蛋、芝士獅子狗卷、龍蝦丸、日式蟹柳、牛筋丸、花枝丸、貢丸、午餐肉等。
咁多選擇，梗係要揀啲最好味嘅推介俾大家，等大家唔會嘥咗個胃啦！美國穀飼牛西冷嘅牛肉味濃，夠juicy；厚切牛舌夠厚身，食落非常有口感；蜜汁叉燒豬柳個叉燒汁濃郁微甜，好入味；泰式豬頸肉夠爽口，微辣又帶有香茅味；海蝦大大隻，新鮮彈牙。枱上面仲放左燒肉汁、秘製串燒醬、辣椒粉、孜然粉同椒鹽等調味料，令燒烤味道層次大大提升。
網燒類
除咗串燒，仲可以網燒。選擇有蒜蓉烤蠔、蒜蓉烤青口、蒜蓉烤茄子、原條日本秋刀魚、一口牛、安格斯牛肩肉片、日本漢堡扒、西班牙黑毛豬五花腩片、美國特級牛仔骨等。
特別推介蒜蓉烤蠔，蠔身飽滿，加上蒜蓉慢慢烤，令蠔身索晒蒜蓉味，非常香口；另外食網燒又點少得茄子呢？茄子細隻但肥身，茄子肉豐實，上面放上蒜蓉等調味料，食嘅時候非常惹味；當然仲要食埋簡單而不平凡嘅牛油粟米同蒜蓉烤金菇啦！
炸物
等緊串燒同網燒嘅時候，可以叫啲炸物食住先，炸物即叫即炸，新鮮熱辣有夠脆口。選擇同樣勁多，包括脆炸薯條、吉列炸生蠔、吉列炸豬扒、吉列魷魚圈、吉列墨魚角、春卷、吉列炸蝦、炸雞軟骨、唐揚鷄塊、炸蝦餅、迷你炸魚餅、粟米墨魚餅、紫薯餅、泡菜餃子、王將餃子、榴槤波波、香芋地瓜丸、雙皮奶同脆皮香蕉等。
沙律及前菜
