【A&M Diary】喺一段三角關係總有一方會受到傷害，但喺川菜嘅世界，呢段三角關係卻缺一不可！講緊嘅三角關係就係麻、辣、香。麻嘅刺激、辣嘅爽快、香嘅誘惑，真係諗起都流口水呀！旺角嘅麻辣香鍋，雖然係川菜小店，卻非常正宗，呢段三角關係令人津津有味。
口水雞
水煮同口水都可以話係川菜嘅代表，所以前菜就揀咗口水雞。雞肉肉質鮮嫩，雞肉掛上口水醬汁，麻香味十足，但唔會太辣，作為前菜啱啱好。
回鍋肉
因為口水雞唔算太辣，所以回鍋肉就揀咗中辣。一屬肥一層瘦嘅回鍋肉，配上後勁十足嘅辣度，非常惹味。但每次食回鍋肉，最正都係佢嘅配料，例如椰菜同豆腐，全部都索晒回鍋肉嘅精華。
