【A&M Diary】香港確實係一個好奇怪嘅地方，明明附近係高樓大廈，偏偏卻又保留一座歐洲白色別墅；明明人煙稠密，偏偏卻又有獨特嘅野生生態，原來城市與大自然係這麼近。上次同A姐行完龍虎山同松林炮台，應承帶佢去個秘景打卡，點知行咗另一條落山路線，而錯過咗呢個景點，所以今次重臨，嚟到呢個充滿歐洲風情嘅龍虎山環境教育中心影相兼認識生態。
前往方法
1.港鐵香港大學站步行上山15分鐘
2.乘坐新巴13號路線至旭龢道巴士總站下車
薄扶林濾水廠職員宿舍
前身為建於1914年至1919年，被評為一級歷史建築嘅看守人居所、及兩座被評為三級歷史建築嘅廚房同工人宿舍。直至1980年改為政府宿舍，而1998年更向公眾招租直至2008年改建活化成龍虎山環境教育中心。
室外生態池
喺展館外嘅生態池本身係宿舍嘅泳池，依家就養殖不同種類嘅淡水魚，而旁邊嘅植物更相當有歷史。
室內展覽廳
由於龍虎山嘅生態價值相當高展，所以活化成環境教育中心。展覽廳嘅面積雖然唔大，卻設有資訊天地、活動室、專題圖書館，亦可報名參加導賞團。
