【A&M Diary】杜拜有唔少著名嘅景點同地標，例如帆船酒店、哈里法塔、杜拜畫框等等，當然唔少得全球矚目嘅棕櫚島啦！棕櫚島為世界上最大的人工島之一，唔少人為咗睇晒棕櫚島嘅全景，會選擇跳Sky Diving，但唔想咁刺激嘅，推介大家去到The View at The Palm。
The View at The Palm
The View at The Palm觀景台設於The Palm Tower嘅52樓及54樓，係全杜拜唯一可以欣賞到朱美拉棕櫚島嘅觀景台。每日都有唔少遊客慕名而來，而每日嘅日落黃昏時間就被譽為係最佳嘅觀賞時段，建議大家可以預先購買門票，除咗可以省卻排隊嘅時間，更確保可以喺理想嘅時間入場。入場之後，大家就會透過唔同嘅展品同片段，了解棕櫚島嘅興建過程，興建時嘅挑戰等珍貴記錄，讓大家加深認識棕櫚島。
The View at The Palm：52樓
高240米嘅52樓The View at The Palm觀景台，可以一覽無遺睇到整個朱美拉棕櫚島，而棕櫚島嘅地標建築物，當然就係亞特蘭提斯酒店啦！如果萬里無雲嘅時候，更加可以睇到遠處嘅帆船酒店同哈里法塔呢！另外，喺52樓嘅觀景台，更設有多個免費嘅望遠鏡，大家可以飽覽杜拜嘅城市天際景色。
喺52樓嘅觀景台，更加設有唔少玻璃底嘅區域，大家可以挑戰膽量，由高處望落地面，絕對係畏高者不宜嘅地方。另外，喺52樓嘅觀景台亦設有咖啡室，大家可以喺高空貪杯咖啡，盡情細微杜拜嘅城市美感。
The View at The Palm：54樓
