【A&M Diary】細個睇電視，客棧通常都係武打片嘅既有情節：突然之間有人會反轉張枱，有人就攞起把刀，從此武林就多事喇！今次我哋嚟到銅鑼灣嘅阿來客棧，不過就見唔到武林高手，反而就遇到一班前來來雞煲原班人馬主理嘅高手。細個睇電視，客棧通常都係武打片嘅既有情節：突然之間有人會反轉張枱，有人就攞起把刀，從此武林就多事喇！今次我哋嚟到銅鑼灣嘅阿來客棧，不過就見唔到武林高手，反而就遇到一班前來來雞煲原班人馬主理嘅高手。
金湯花膠瑤柱雞
真材實料嘅金湯花膠瑤柱雞，等到湯一滾，二話不說就要飲番碗先。雞肉鮮甜，又夠嫩滑，但重點當然係厚身又大舊嘅花膠，飲完個咀係會膠住咗，真係夠晒足料！
鬼馬墨魚脆
呢個鬼馬墨魚脆係店小二嘅重點推介，即叫即炸，而且爽口彈牙嘅墨魚配上脆卜卜嘅油炸鬼，真係又彈又脆，加埋甜酸醬，啱晒做開胃菜。
特級手切肥牛
手切牛肉嘅油花分佈平均，肉味濃郁，吸收晒金湯精華，肉汁juicy。
爽口豬頸肉
爽口嘅豬頸肉口感真係唔錯，肉質非常嫩滑，推介一試！
即包鮮蝦雲吞
鮮蝦雲吞由阿來客棧自家製作，雲吞皮夠薄，入面嘅餡料非常豐富，最正當然係蝦肉大大粒，非常彈牙。
鮮松露墨魚滑
鮮松露墨魚滑松露味道雖然唔算強烈，但勝在墨魚比例多，夠晒彈牙！
鴨血
打邊爐又點可以無鴨血呢！鴨血呈暗紅色澤，質地細嫩，富有彈性，望落夠晒新鮮。不過，鴨血唔一定配麻辣湯，原來同金湯花膠瑤柱雞都好夾㗎！
