Facebook專頁「香港燒賣關注組 」時不時都會分享各區燒賣情報，吸引超過12萬人讚好。適逢專頁成立兩周年，關注組日前推出佈滿燒賣嘅「燒賣地獄」拼圖，令人見到就覺肚餓！
「燒賣地獄」拼圖分為兩款，包括「淺嘗地獄版」70塊拼圖，售價為$138，同埋「直落地獄版」300塊拼圖，售$218。每份「燒賣地獄」有拼圖一盒， 限量燒賣地獄貼紙一張，首200份仲送限量燒賣聖誕咭一張 ，務求令會友對眼充滿燒賣，跳落無間燒賣地獄。
Photo／香港燒賣關注組
產品一出即刻引來各方燒賣愛好者討論，連歌手吳業坤都回應話會「考慮下」。因為拼圖盒封面係一片「燒賣海」，有網友以為裡面真係有70舊、300舊燒賣，更加有人問關注組，開封後需唔需要擺去冰格，版主即刻搞笑提醒「燒賣地獄」係puzzle，「可以雪藏但不可食用」！
Photo／香港燒賣關注組
Photo／香港燒賣關注組
