近年喺 Facebook 愈嚟愈多「關注組」，集合一班有共同愛好嘅人交流分享，其中較出名嘅就有「香港燒賣關注組」，成立近兩年吸引超過12萬人讚好，最近谷友分享荃灣小店一款「燒賣麵包」，瞬間爆紅！
Photo / Facebook@香港燒賣關注組
呢款創新嘅「燒賣麵包」，由荃灣麵包店桂悅坊推出，喺麵包上放三粒魚肉燒賣同芝士，配埋千島醬等焗製而成。「香港燒賣關注組」有谷友投稿呢款燒賣包，帖文至今至吸逾2500讚好，留言嘅谷友都話蠢蠢欲「試」，仲熱烈討論呢個燒賣包好唔好點埋辣椒油同豉油一齊食。
Photo / Facebook@香港燒賣關注組
據指呢款「燒賣麵包」只喺每日早、午、晚各出爐一盤，賣晒就無，所以都有燒賣谷友反映話買唔到失望而回。麵包店亦乘勝追擊，加推多一款雞肉燒賣包，不過谷友就略嫌雞肉燒賣太乾身，口感較硬，比魚肉燒賣略遜一籌。
Photo / Facebook@香港燒賣關注組
