【A&M Diary】曾經喺大埔生活嘅我哋，對於大埔海濱公園絕對唔陌生。我同A姐初初拍拖嘅時候，都會去到大埔海濱公園散下步，漫步海濱。大埔海濱公園除咗係一個區內人休憩嘅公園，唔少區外嘅人都會嚟到踩單車，甚至會嚟呢度賞花，令大埔海濱公園有港版富良野之稱。
大埔海濱公園
園內分為唔同區域，好似有西式花園、兒童遊樂場、海濱長廊、模型船水池、草地滾球、門球、棕櫚樹園區等。
香港回歸紀念塔
紀念塔高32.4米，係當年英國接管新界時，英軍第一個登岸嘅地方。
港版富良野
喺紀念塔嘅旁邊，就種咗唔少花，今日我哋嚟到就有繡球花同薰衣草。
玫瑰園
當年嘅玫瑰園吸引唔少情侶喺度影婚紗相㗎！
放紙鷂
除咗賞花，大埔海濱公園仲有風箏區，啱晒大小朋友喺度放電放風箏啦！
昆蟲館
昆蟲館內主要係標本為主，老實講，我哋唔覺得有啲乜嘢值得睇。但係炎炎嘅夏日，昆蟲館就係一個大家可以嚟涼下冷氣嘅地方。
