0
0
〈獨的酸言〉愛情搖搖板-專家Dickson

〈獨的酸言〉愛情搖搖板-專家Dickson

【now.com生活】從來未試過拍拖嘅單身者,只能從朋友嘅經歷去認識愛情。

唔知係咪物以類聚,同我較熟嘅朋友們嘅愛情路都頗崎嶇,一係女友惡過乜,少少事黑面,一係就另一半敵不過沉悶生活,跟咗第三者。所以坦言,我對愛情係有啲啲驚。

直至早幾日,我參加咗一個婚禮,睇到一單小插曲,又有另一個想法。話說婚禮司儀係新娘子嘅閨蜜,讀讀吓親友感言時,感動到喊咗出嚟,講唔落去,佢當下就諗起男友喺現場,所以叫佢出嚟撐自己,佢話︰「我一見到佢,唔知點解,就會忍唔住笑。」結果,佢男友真係行出嚟,面對全場賓客,女司儀講一句,佢就搞Gag扮做手語翻譯,場面極為浪漫。

究竟點解要有另一半?原因可以有好多。浪漫主義者通常提倡︰「咪就係因為大家鍾意大家,所以喺埋一齊。」的而且確,聽落好合理,但愛嘅感覺,其實好兒戲,我哋都不得不承認,鍾意嘅感覺係有可能隨住時光流逝而磨滅,咁點算?所以話,雙方可以繼續落去,一定有其他嘢維繫,其中一種,可能係對方為你做嘅所有好事集合而成嘅感情。

小時候,有套電視劇叫《聊齋》,當中有個單元故事叫《狐仙報恩》,台灣女星余小凡飾演嘅小翠為母報恩,下嫁傻小子元豐,處處為佢著想,後來當元豐唔再傻,醫返好了,小翠決定離開,仲搵咗個靚女陪佢,但元豐唔肯,非小翠不愛。

愛情好似搖搖板,若然有一方落力,另一方一定要回應,搖搖板先可以取得平衡。若果小翠為元豐著想,但元豐不為小翠著想,愛情就不能延續。

因此,當你發覺你嘅另一半為你設想時,請不要當作理所當然,亦唔好做一個只接受別人好意,卻一點都不肯施予嘅人。

獨的格言︰任何關係,都要有來有往先有意思,如果只有單方面付出,只會落得兩個下場,一係佢乾塘,一係追你數。

文:專家Dickson
(小弟毛記電視專家Dickson,至今追女仍然食塵。見到女神自覺好襯,幻想世界感覺好親,點知佢話我有病要求診,搞到我傷心要把情史……痛陳。同道中人聽完打冷震,覺得好Pure又好真,自此執筆去行文,篇篇酸爆篇篇甘。)
FB:https://www.facebook.com/expertdickson
〈獨的酸言〉逢周一刊登

專欄屬作者個人意見,不代表本網立場

  1. 更多
  1. 梅州路陷最少48死 3人DNA正進一步比對
    梅州路陷最少48死 3人DNA正進一步比對
    2小時前
  2. 教育局下學年開始推行高中中史科優化方案
    教育局下學年開始推行高中中史科優化方案
    23分鐘前
  3. 美國警方進入加州大學洛杉磯分校清場 引發衝突
    美國警方進入加州大學洛杉磯分校清場 引發衝突
    23分鐘前
  4. 山西恒山景區落石造成一死五傷
    山西恒山景區落石造成一死五傷
    1小時前
  5. 據報法國與日本將就締結兩國互惠准入協定展開談判
    據報法國與日本將就締結兩國互惠准入協定展開談判
    2小時前
  6. 澄碧邨死者為內地人 疑爆竊時從高處墮下
    澄碧邨死者為內地人 疑爆竊時從高處墮下
    2小時前
  7. 圍封強檢萬七人資料疑外洩 機電署致歉
    圍封強檢萬七人資料疑外洩 機電署致歉
    2小時前
  8. 菲律賓船隻非法侵闖黃岩島 中方已提出嚴正交涉
    菲律賓船隻非法侵闖黃岩島 中方已提出嚴正交涉
    3小時前
  9. 以400元月餅券賄賂考牌官 女子認罪還柙候判
    以400元月餅券賄賂考牌官 女子認罪還柙候判
    3小時前
  10. 澄碧邨死者為內地人 疑爆竊時從高處墮下
    澄碧邨死者為內地人 疑爆竊時從高處墮下
    3小時前