【now.com】忽然之間，很多老食肆謝幕結業，從此「絕食」。有些用了很長的時間告別，有些很短，食客無論如何爭廂搶食尾啖湯者眾。
深水埗的容記，得知其永久收爐的消息後，試過在香港藝術節show後去作最後的秋波，由尖沙咀文化中心驅車去到9時43分許，以容記一向越夜越旺場，燒夜才是主菜的戲路，一點也不遲。那夜，離正式結業的last day還有兩個多星期，以香港人的習性，應該還未忽然集體哭腔瘋湧追食。
果然，那時還接受訂枱，阿姐們還未做到想食人或反面的瘋狂狀態。但未夠十時去到，想點菜時阿姐宣判：燒肉一早沽清。食容記，我首要食燒肉。沽清？阿姐話，你可以走架。(Indifferent mode，不怒不笑，又唔係冇禮貌）好，我走。
留得胃口在，那怕冇义燒？噢，唔係，係燒肉。最多擇日再來，除卻巫山不是barbecue pork。
然後，約埋好友，結業前一星期許，再去，人都癲。前世未食過容記的人都來了。有朋友預警，要早去，五時半便去到，人山人海。本來，肯等的話，會有枱，但我們有下場節目，而上次阿姐說，可以六點幾就冇晒燒肉架。我們果斷地走了。轉場，十多人食泰國菜一樣很開心。
為什麼在香港，食「尾啖湯」結業前衝刺總特別誇張？可能因為大家實在太冇節目。電視台，冇嘢睇，又欠私人空間拍拖，又少公共空間流連，租太貴有個性食肆買少見少得大型連鎖店先頂得住。唯有玩「襯地林」。諗諗，又係土地供應問題。
文：畢明
FB：https://www.facebook.com/BudmingBudming
〈港式中產〉逢周三刊登
專欄屬作者個人意見，不代表本網立場。
