【Now新聞台】截至早上11點，1小時內《彭博》用戶關注度上升最多的港股，依次為龍光集團、碧桂園、龍湖集團、萬科企業、澳博控股。
連續第二日上榜嘅龍光半日跌近5%，集團部分相關債價跌至新低，似乎機構投資者都聞到燶味，關注龍光會否繼中國恒大、世茂集團後成為另一間爆煲內房。
富昌證券聯席董事譚朗蔚表示，近期買內房股博「被拯救」後股價反彈等同賭一鋪，佢又話，PP中地美債約80%持貨都係「BBB」級以下嘅垃圾債券，坦言現時內房板塊全無利好因素。
Stevan又話，即使人行屢次放寬銀根，但銀行放貸前仍會評估風險，高負債房企未必可以喺銀行順利融資，所以人行採取寬鬆貨幣政策唔係一個好消息。
