【Now新聞台】截至早上11點，一小時內《彭博》用戶關注度上升最多的港股依次為永利澳門、美團、花樣年控股、銀河娛樂、中國電力。
賭股今日畀「洗米華」被捕消息震散晒，睇返各間賭場嘅業務，永利主要做VIP生意，銀娛就做較多中場業務，相比之下銀娛係咪可以睇高一線？
耀才證券研究部經理譚智樂指，雖然中場範疇佔比較大，但當整個行業出事時，唔會出現「一隻股好，一隻股差」嘅情況，而係會一齊跌，分別只在於跌得多與少，至於賭牌、分紅政策等，影響更幾乎一模一樣。
Arnold又話，澳博控股或銀娛風險係相對較小，但喺短線下行趨勢下，即使揸住銀娛，都冇可能完全無視風險因素，一旦銀娛跌到42元水平，投資者應「避一避風頭」。
