【Now新聞台】截至早上11點，1小時內《彭博》用戶關注度上升最多的港股，依次為：新世界發展、希望教育、花樣年控股、新東方在綫、佳兆業集團。
佳兆業11月初停牌，至今先復牌，停牌期間內房氣氛好轉，內地亦似乎有啲放鬆嘅聲氣，加上新世界同遠東發展(00035)合營購買佳兆業啟德地皮，依家股價有反彈，值唔值得博呢？
英皇證券銷售部副總裁林建華指，當有大量沽空盤時，如果有中央扶持嘅消息，就可以補返個倉，令股價升上去，但中央雖然口氣鬆咗，但實際上冇乜行動。佢建議投資者可以喺低位博一兩日反彈，依家開倉買返去就毫無值博率。
