【Now新聞台】截至早上11點止，1小時內《彭博》用戶關注度上升最多港股，依次為京東物流(02618)、長城汽車(02333)、中國恒大(03333)、中國鋁業(02600)及舜宇光學(02382)。
京東物流連跌第6日，續創新低，但其實未有傳出重大利淡消息，點解股價連日下挫？
安山資本資產管理部董事黃志陽指，相信係受近期新經濟股估值陸續被下調影響，因為公司本身冇特別壞嘅消息。對於外界猜測，京東物流股價插水，會唔會同河南水災影響物流服務有關，黃志陽話，內地每年都會出現水災，所以影響都不大，股價連日下挫，主要同本身所屬嘅板塊有關。
