【Now新聞台】截至早上11點，1小時內《彭博》用戶關注度上升最多港股，依次為港交所、中航租賃、建設銀行、廣汽集團及中國人壽。
港交所噚日宣布最快明年第4季，IPO結算周期縮短至「T+2」，股價今日升勢持續，暫時連升第2日。
安山資本資產管理部董事黃志陽指，港交所係少有嘅監管風暴受惠股，行政總裁歐冠昇最近公布港交所重組，消息咁啱撞正幾隻美國上市嘅中概股受查，市場估計，喺香港面臨嘅調查壓力較細，係股價連日上升嘅因素之一。
Jackson又話，「T+2」可以加快上市流程，減低風險，對投資者、企業都有利。佢又估計，港交所股價會喺500元水平徘徊，但未必咁快可以突破500元。
