【Now新聞台】截至早上11點，1小時內《彭博》用戶關注度上升最多港股，依次為首創置業、港交所、建設銀行、中遠海控及中國石油股份。
隔咗成年，國務院又宣布將會下調存款準備金率，但銀行股今日普遍都無乜反應，建行股價繼續跌，半日收市前跌到5.61元，跌穿埋250天線。
英皇證券銷售部副總裁林建華指，降準有助中小企業嘅中至長期性資金流動，長遠嚟講一定係正面消息，但就要小心集中貸款喺房地產企業嘅銀行，如果唔係全面降準，就未必受惠到佢哋。林建華又睇好放貸比中小企嘅商業類銀行股，例如係工商銀行。
【財經TOP SEARCH】降準要小心呢類銀行股
【財經TOP SEARCH】降準要小心呢類銀行股
