【Now新聞台】【Now財經台】截至早上11點，1小時內《彭博》用戶關注度上升最多港股，依次為東風集團(00489)、聯想集團(00992)、美團(03690)、交通銀行(03328)及東方海外國際(00316)。
汽車股今日逆市「撻著」，其中以東風走勢最凌厲，股價一度抽升逾10%。
耀才證券研究部經理譚智樂指，内地電動車股估值高，但其實相關技術仲未成熟，所以呢類股份炒味比較濃。瑞信舊年11月估計，東風A股上市好快成事，導致股價喺兩個月內炒高60%，不過，譚智樂話，東風勝在股價平，相比吉利汽車(00175)係好少少，短期仲可以博一博。
